Размер шрифта: A A A
Цвет сайта: A A A A
4 Sep 2019

Ҳурматли оммавий ахборот воситалари вакиллари, киноижодкорлар!

Кинематография соҳасида мавжуд бўлган муаммоларни ҳал этишга қаратилган аниқ ижро механизмларини ишлаб чиқиш мақсадида Вазирлар Маҳкамасининг “Кинематография соҳасидаги айрим норматив-ҳуқуқий ҳужжатларни тасдиқлаш тўғрисида” 2019 йил 19 августдаги 695-сон қарори қабул қилинди.

Унга кўра, соҳа ривожланиши учун ниҳоятда муҳим бўлган норматив-ҳуқуқий ҳужжатлар, жумладан, “Давлат буюртмаси асосида ишлаб чиқариладиган кино маҳсулотлари учун танлов ташкил этиш ва уни ўтказиш тартиби тўғрисидаги низом”, “Халқаро кинофестиваллар ва кинобозорларга юбориш учун энг яхши миллий ва ҳамкорликдаги фильмларни саралаш тартиби тўғрисидаги низом”, “Давлат буюртмаси бўйича ишлаб чиқарилган ва хориждан олиб кириладиган фильмлар дистрибуциясини амалга ошириш тартиби тўғрисидаги низом” тасдиқланди.

Шунингдек, ушбу қарор билан  Вазирлар Маҳкамасининг “Ўзбеккино” Миллий агентлиги ҳузуридаги Миллий кинематографияни ривожлантириш жамғармасининг низомини тасдиқлаш тўғрисида” 2017 йил 11 декабрдаги 976-сон, “Ўзбеккино” Миллий агентлиги фаолиятини ташкил этиш бўйича қўшимча чора-тадбирлар тўғрисида” 2017 йил 28 декабрдаги 1030-сон ҳамда  “Республикада ягона репертуар сиёсати юритилишини таъминлашга йўналтирилган республика кинопрокат тизимини ташкил этиш чора-тадбирлари тўғрисида” 2018 йил 6 апрелдаги 272-сон қарорларига тегишли ўзгартириш ва қўшимчалар киритилди.

Қабул қилинган норматив-ҳуқуқий ҳужжат кинематография соҳасида амалга оширилаётган ислоҳотлар учун дастурул амал бўлиши шубҳасиз.

“Ўзбеккино” МА Ахборот хизмати.

 

Manba: не указан
Просмотров: 83
Belgilangan matnni tinglash uchun quyidagi tugmani bosing Powered by GSpeech